The post 20 Study Hacks to Improve your Memory appeared first on Aldes Training Academy.

Gepubliseer: 4 November 2019

Artikel: https://jouloopbaan.solidariteit.co.za/hoe-kies-ek-die-regte-beroep/

Om ʼn loopbaanrigting te kies, is seker een van die moeilikste besluite wat ʼn mens (en dikwels is jy dan nog kind) moet neem. Baie mense verander wel later in hul lewe van loopbaan, maar daardie eerste keuse het altyd ʼn impak.

Daarom is dit belangrik dat jou verwagtinge rondom jou persoonlikheid, vermoëns, intelligensie en belangstelling realisties moet wees en dat jy jou kan vereenselwig met die beroep wat jy kies. Dit bepaal die rigting waarin jy jou vaardighede ontwikkel, die tipe instansies en mense waarby jy in jou lewe betrokke gaan wees, asook die hoeveelheid geld wat jy gaan verdien.

Foute wat vermy moet word

Wanneer dit by loopbaankeuses kom, word sommige foute meer gereeld as ander gemaak. Jane Downes, ʼn bekende loopbaanafrigter en skrywer van The Career Book, sê die volgende:

• Loopbaanbeplanning word nie altyd ernstig genoeg opgeneem nie. Jongmense laat na om daaroor te dink tot op die laaste nippertjie en neem dan oorhaastige besluite.
• Vaardighede, belangstellings, waardes en persoonlikheid word nie altyd in ag geneem nie. Besluitnemers neem nie tyd om uit te vind wat hulle waardes is nie, wat hulle dryf, of hulle van nature introvert of ekstrovert is, en hoe hulle hul persoonlikheid in hul werkplek sal kan aanwend nie.
• Jongmense besef nie altyd dat loopbaanbeplanning ʼn projek op sigself is nie en doen daarom nie genoeg navorsing nie.
• Jongmense luister na hul ouers wat dit goed bedoel maar nie altyd besef dat die wêreld van werk fundamenteel verander het nie. Hulle weet nie altyd dat daar elke week twee nuwe rolle in die werkwêreld geskep word nie, en hulle verstaan nie altyd nuwe gebiede soos digitale bemarking of dataontleding nie.
• Jongmense neem dít wat die beroepsvoorligter sê nie ernstig genoeg op nie.
• Jongmense gebruik nie die hulpbronne tot hulle beskikking om meer te wete te kom nie. Die meeste universiteite bied byvoorbeeld omvattende en professionele loopbaanvoorligting, psigometriese toetsing en loopbaanpad-voorligtingsdienste aan.
• Laastens vra Downes jongmense om te besef dat mens nooit ʼn fout kan maak deur ʼn denkpatroon van nuuskierigheid te kweek en vrae te vra nie.

Stappe om te volg tydens die bepaling van jou loopbaankeuse:

• Bespreek jou opsies met iemand vir wie jy respek het en ontwikkel só selfkennis.
• Skryf jou opsies neer en omskryf dit kortliks. Het jy ’n aanvoeling vir jou keuses? Met die Solidariteit Loopbaankompas kan jy sekerheid kry. Doen ʼn gratis aanlyn belangstellingsbepaler om uit te vind wat die beste by jou pas. Besoek www.jeug.co.za
• Doen by kolleges en universiteite se inligtingskantore navraag oor wat die verskillende loopbane behels en watter verskillende werkgeleenthede in elke loopbaan moontlik is.
• Vra uit oor finansiële vergoeding. Maak seker watter skoolvakke en verdere opleiding nodig is. Gesels met mense wat reeds jou droomwerk doen. Vra jouself die volgende af:

Is daar ʼn aanvraag vir persone wat gekwalifiseer is in die beroep waarin ek belangstel?

Sal ek maklik werk kry?

Sal ek vir my en my gesin kan sorg indien ek hierdie beroep kies?

Wat kan moontlik gebeur as die ekonomie só versleg dat mense nie meer my diens of produk kan bekostig nie?

Is daar ʼn wye verskeidenheid van werkgeleenthede in hierdie veld?

• Oorweeg elke opsie en weeg moontlikhede teen mekaar op.
• Kies die rigting wat jou die beste pas terwyl jy in gedagte hou dat jy nou die grondslag lê vir ʼn belegging waarvan jy lewenslank die vrugte gaan pluk.
• Skep ʼn stewige riglyn waarvolgens jy jou droom kan bereik deur ʼn plan van aksie te ontwerp.

Jy het bepaal watter loopbaanrigting jy wil volg. Vra jouself nou die volgende:

Watter inligting of hulp het ek nodig om my plan van aksie deur te voer?

Watter probleme moet ek deurwerk en hoe gaan ek dit doen?

Watter stappe is nodig om die plan suksesvol uit te voer?

Hoe begin en eindig ek elke beplande stap?

Hierdie sif van idees is baie belangrik. Dis immers nie maklik om jou lewensdroom neer te skryf nie. Skryf die moontlikhede oor en oor neer totdat jy die kern raakvat.

Beroepskeuse is nie altyd die probleem nie

Chalene Pretorius, wat vir tien jaar direkteur by die Phoenix-jeugontwikkelingsorganisasie was, sê dis nie altyd noodwendig die beroepskeuse wat die probleem is nie. In baie gevalle is dit hoe ouers en onderwysers reageer op ʼn kind se keuses. Kinders het meer ondersteuning nodig wanneer hulle ʼn beroep kies wat anders is as wat die ouer sou wou kies.

Pretorius maan ouers en leerders om hulle nie vas te staar teen die tradisionele universiteitsopleiding wanneer dit kom by beroepskeuses en studies nie. “Kyk ʼn bietjie wat nou in die werkswêreld aangaan. Daar is wel beroepe wat definitief universiteitsgrade benodig, maar daar is byvoorbeeld ook groot geleenthede vir entrepreneurs in Suid-Afrika. Die opsies is legio.”

Bronne https://www.irishtimes.com/news/education/the-seven-common-career-mistakes-students-make-1.3997388

The post Hoe kies ek die regte beroep? appeared first on Aldes Training Academy.

Gepubliseer: 4 November 2019

Artikel: https://jougesin.solidariteit.co.za/klop-so-eksamenstres/

Eksamentyd kan ʼn baie stresvolle tydperk wees, nie net vir leerlinge nie maar ook vir hulle ouers.

“Stres in die eksamentyd is gewoonlik nie die gevolg van die werk wat geleer moet word en die fisiese aflê van die eksamen nie, maar ook die onsekerhede oor die uitkoms daarvan en die moontlike gevolge,” sê Megan Hosking, ʼn maatskaplike werker en psigiatriese klinikus by Akeso psigiatriese hospitale.

Hosking wys daarop dat daar elke jaar tragiese berigte is oor leerlinge wat hul eie lewens neem in of na die eksamentyd. “Dit is moontlik vrees vir mislukking of ongewenste uitslae. Dit is hartverskeurend om te dink dat jong mense so gedruk voel dat hulle nie enige toekoms vir hulself kan sien nie.”

Leerlinge moet daarvan bewus wees dat hulle welstand die belangrikste aspek is om op te fokus, sê Hosking.

Volgens Hosking is voorbereiding noodsaaklik om eksamenstres te klop aangesien dit help om die druk te verminder. Sy wys egter daarop dat dit net so belangrik is om tyd te maak om te rus en te ontspan ten einde ʼn gesonder perspektief te handhaaf.

Laaste voorbereiding voor die eksamen, is volgens Hosking ook noodsaaklik. “Deur vorige eksamenvraestelle deur te werk kan jy leemtes identifiseer en dit kan help om jou senuwees tot bedaring te bring. Maak seker jy weet in watteer lokaal jy skryf, hoe laat en wat van jou verwag word.”

Eksamentyd is egter nie net vir leerlinge stresvol nie. Volgens Hosking kan dit net so stresvol vir ouers wees om te sien hoe hulle kinders stres oor die eksamen. “Algemene tekens van spanning en angs sluit in: prikkelbaarheid, slaapprobleme, verandering in eetlus en klagtes oor hoofpyn, maagpyn of ander fisieke pyne.”

Hosking meen dit is die moeite werd om ʼn oop gesprek met jou kind te hê oor hanteringsmeganismes wanneer hulle gestres of angstig voel. “Ondersteun jou kind die hele jaar deur met sy of haar studies, en moedig hom of haar aan om gereelde hersiening te doen en op datum te bly met hul werk.”

Dit kan egter tot onnodige angs lei indien ouers te veel klem plaas op die belangrikheid van eksamens, waarsku Hosking. “Herinner jou kind daaraan dat eksamens slegs een deel van hul opvoeding is en dat uitslae nie die enigste ding is wat saak maak nie en dat hul welstand uiters belangrik is.”

Eksamentye is sinoniem met verhoogde stresvlakke, maar Hosking wys daarop dat stresvlakke weer moet daal wanneer die eksamen verby is.

“As stres egter voortduur of onbeheerbaar voel elke keer as daar ʼn toets, eksamen of sperdatum is, word dit aanbeveel dat ‘n professionele persoon, soos ‘n sielkundige, geraadpleeg word om te help met die ontwikkeling van hanteringsmeganismes, tydsbestuurvaardighede en die bou van veerkragtigheid.”

Bronne: Akeso: https://www.akeso.co.za/

The post Klop só eksamenstres… appeared first on Aldes Training Academy.

Published: 25th September 2019

Article: https://hbr.org/2019/09/why-new-leaders-should-make-decisions-slowly

The stakes are high when a new leader takes over. Despite their training and experience, a full 74% of new leaders say they are unprepared for the new role, and in 18 months nearly half of them disappoint or fail entirely. In many cases, leaders either judge too quickly, making snap decisions that prove to be ill advised, or wait interminably to “gather more facts,” only for the critical moment to slip away.

Here are three strategies leaders can use to make decisions more effectively when they’re new to an organization.

First, manage the urge to “do something” right away. Having been courted, you will be eager to prove that hiring you was the right decision, but it’s critical to learn first and act second. At one company where I consulted, a newly hired senior executive, who was known as a marketing wunderkind, began making sweeping changes in the first month. She had great ideas but insisted on pushing an agenda before knowing her colleagues and the organizational culture. She ended up being removed in scarcely more than a year.

Experienced leaders, who may feel certain they already know the correct moves to make, instead need to listen, observe, and suspend judgment. This is especially challenging because others around you may be expecting quick action. One CFO I worked with restrained his urge to make immediate changes by taking notes about what he was learning in the early days of his tenure and recording some early conclusions. As he reflected on his notes later, he was able to see that he had initially held an incorrect assumption about his colleagues. Discovering this blind spot proved vital to his ability to lead a pivotal change later on.

Second, make sure you’re talking to a wide variety of sources. When you don’t know who’s a reliable source of information, it’s easy to be overly influenced by one person’s or group’s interpretation of events. Inevitably, there will be a few people who are eager to bend the ear of a new leader — and most have an agenda.

At one Fortune 500 restaurant company I advised, a new president spent the first part of his tenure traveling, talking to people at all levels, and learning about what they did and what resources they needed. As he visited various locations, he wandered through the dining area and the kitchens. He showed curiosity about how things were done and even tried his hand at a few tasks. Critically, he didn’t interrogate, interview, or make people feel he was conducting an assessment. His credibility skyrocketed as a result. People became less cautious and more eager to share their experiences and ideas. Under his leadership, the company had record-breaking success, precisely because he gained such deep insight about the operations, people, and culture.

Third, select one critical area of focus for the year. It’s dangerous to move too quickly in a new role, but it’s perilous to appear as if you’re not making any changes at all. Selecting one area of focus helps people direct their efforts toward it and evaluate progress. In the initial period of learning, a new leader can see what the likely trajectory of the company will be without major changes and identify what would make the most dramatic difference.

In a turnaround situation, harsh decisions may need to be made quickly, but it’s often easier rally support for a critical focus area when a threat is looming. It can be much harder to mobilize your team when the company appears to be thriving, because success can breed complacency. One senior executive I advised found reason for concern during a major acquisition, even though the acquired company was wildly successful, because he found evidence that its focus on customers was slipping. He identified this as his chief focus area, because he knew a slip in customer satisfaction would eventually torpedo sales. Accordingly, he changed performance standards and quickly removed the senior managers who openly disagreed that improvement was needed. The business went on to deliver results 30% better than projected before the acquisition.

Leaders’ actions in the early days of their roles create an impression that’s hard to shake later. Managing the urge to make an early mark, gleaning information from all parts of the organization, and deciding on your primary area of focus will help you build the knowledge and political capital you need to succeed in your new position.

The post Why New Leaders Should Make Decisions Slowly appeared first on Aldes Training Academy.

Publiseer: 31 Julie 2019

Klein sake het beperkte hulpbronne en om hierdie hulpbronne te optimeer, is ʼn balanseertoertjie. Die rol van voldoening is deel van hierdie balanseertoertjie.

Hierdie vereistes het meer geword na gelang nuwe wette in werking getree het saam met ander regulasies, soos SEB (BEE) en FISW (FICA), wat ook in ag geneem moet word.

Colenbrander Inc., ʼn professionele rekenmeestersfirma in KwaZulu-Natal, maan dat mens baie versigtig moet kyk na die gevolge as wette en regulasies nie nagekom word nie.

“Dis nie ʼn verskoning om te sê jy was nie bewus van die vereistes nie,” sê Gary Banfield, ʼn direkteur by Colenbrander Inc. “Die onus rus op die besigheid om moeite te doen om te verstaan wat hy moet weet. Die boetes is swaar. Dis makliker om te voldoen.”

Gaan die Gids tot Sakevoldoening en Wetgewing na, wat die volgende insluit:

• Bedryfregistrasie

Registrasierade, professionele verenigings en bedryfsorganisasies bestaan om professionalisme in verskeie bedryfsektore te bevorder. Oor die algemeen stel hierdie liggame professionele standaarde, moedig voortgesette professionele ontwikkeling aan, neem deel aan nasionale en globale inisiatiewe, konsulteer met sake-, regerings- en opvoedkundige instellings, en bied onderrig en opleiding. Daar kan wetlik van jou vereis word om by ʼn bedryfsvereniging aan te sluit, na gelang van die sektor waarin jy is.

• Soneringswette

As jy ʼn eenpersoonsaak bedryf, nie personeel het nie en nie kliënte het wat gereeld jou perseel besoek nie, hoef jy nie om sakehersonering aansoek te doen nie. As jy egter kliënte, verskaffers en personeel gaan hê wat gereeld aankom, sal jy waarskynlik ʼn hersoneringsaansoek moet indien aangesien jou huis in ʼn residensiële area geleë is en dus nie vir besigheidsdoeleindes gesoneer is nie. Die aansoek kan wetlik en tegnies ingewikkeld wees, en dit is dus raadsaam om ʼn prokureur te raadpleeg.

• Nuwe standaarde vir rekeningkundige verslagdoening

As jou besigheid geoudit moet word, moet jy daarvan bewus wees dat nuwe standaarde in 2019 in werking getree het. Die belangrikste hiervan is Inkomste uit Kontrakte met Kliënte. Na gelang van jou besigheid, kan dit die manier waarop jou maatskappy inkomste as sodanig erken (soos konstruksie- en telekommunikasiebedrywe) fundamenteel verander en, selfs al gebeur dit nie, kan die openbaarmakingsvereistes in die aantekeninge by jou jaarlikse finansiële state (JFS) verander. Hierdie aantekeninge sal byvoorbeeld ʼn uitwerking hê op bonusskemas wat op verkope berus, en wat dalk verander sal moet word. Dit sal ʼn uitwerking hê op hoe jy vergoeding in die jaarlikse finansiële state (JFS) openbaar en kan op sy beurt weer ʼn impak hê op hoeveel bykomende belasting jou personeel moet betaal. Dít sal op sy beurt jou LBS (lopende betaalstelsel) verander en deurrol na die EMP 201 en EMP 501 (maand- en jaarverdiensteverklarings aan SAID).

• Openbaring van direkteure en beamptes se vergoeding

Die Kommissie vir Maatskappye en Intellektuele Eiendom (KMIE)) het onlangs ʼn waarskuwing uitgereik ten effekte dat die Maatskappywet se openbaarmakingsvereistes rakende die vergoeding van direkteure en voorgeskrewe beamptes nie altyd korrek nagekom word nie. Die kennisgewing waarsku besighede dat dit ʼn belangrike area van bestuur en deursigtigheid is – versuim om te voldoen kan uitloop op ʼn ondersoek van jou maatskappy.

Die nuwe Maatskappywet wat op 1 Mei 2011 in werking getree het, het verskillende vlakke van versekering vir verskillende kategorieë van maatskappye ingestel. Baie maatskappye wat vir vrystelling kwalifiseer, het egter om bestuursredes verkies om geoudit te word. ʼn Oudit van die maatskappy sal die maatskappy se direkteure help om hul pligte en verantwoordelikhede beter na te kom.

ʼn Oudit beperk die risiko van wesenlike wanverklaring, ongemerkte foute en onnoukeurigheid in ʼn maatskappy se finansiële jaarstate en gee terselfdertyd ʼn onafhanklike assessering van die besigheid se interne finansiële beheerstelsels. Dit verseker ook die gehalte van finansiële state, wat aan belanghebbendes bykomende gemoedsrus gee.

The post Kleinsake-eienaars: Moenie die nuwe voldoeningsvereistes ignoreer nie appeared first on Aldes Training Academy.